PANAMPI
Kawilujengan saha katentreman tansah tumanduk
wonten ing pajenengan dalasan kula. Amin
Nuwun sagunging para rawuh sadaya ingkang satuhu
kinabekten.
Bapak-bapak, Ibu-ibu, sadherek-sadherek saha dutaning
besan ingkang sahat kinurmatan.
Ibu Dyah Ayu Ashari ingkang
kunurmatan, ing titi kalenggahan menika, Kula minangka sulih sarira Bp. Aditya sekaliyan,
mundhi dhawuhipun kinen nampi saha
hananggapi menggah rawuh panjenengan.
Namung
sak derengipun kula lajengaken matur,sumongo pajenengan kula derekaken
ngaturaken puji syukur dhateng ngarsanipun Gusti ingkang Maha Agung ingkang
sampun paring kanugrahan dhumateng kula panjenengan sami, katitik ing wekdal
punika saged ngajangi pawiwahan upacara punika.
Ingkang sepisan, kula pribadi
tuwin Bp. Aditya sekaliyan ngaturaken pambagya rahayu wilujeng rawuh
panjenengan sadaya wonten ing wisma ngriki, satemah damel rancag tatacara ing
wekdal punika.
Ingkang kaping
kalih , lumantar kula, Bp. Aditya sekaliyan, ngaturaken panuwun awit salam
taklim saking Bp. Deny Ari sekaliyan ingkang lumantar Ibu Dyah Ayu Ashari kala
wau. Semanten ugi Bapa Aditya
Sekaliyan ngaturaken salam mugi katur wonten ngarsanipun bapak saha ibu Deny
Ari kanthi pepuji mugi-mugi tansah pinaringan suh
kanugrahaning Pangeran, cinelakna suka rahayu, lan tinebihna ing godha rencana.
Salajengipun,
sowan panjenengan hanglarapaken panganten kakung, pun Bg. Harun Nuruddin putra
Bp. Deny sekaliyan, ingkang pidalem wonten ing Bulu, Sukoharjo, kula tampi
kanthi sukarenaning manah lan enggal badhe kapanggihaken
kaliyan Rr. Khusnul Chotimah putra siwi Bp.
Aditya sekaliyan. Mawantu-wantu panyuwunipun Bapak
Aditya sapangombyong kasuwun kanthi sanget keparenga anglajengaken suka pari
suka anggenipun lelenggahan ngantos dumugi paripurnaning pahargyan punika.
Minangka puputing rembag, mbok
bilih anggen kula ngaturaken atur panampi punika taksih kathah cicir cewet
kuciwaning atur, saha kirang mranani penggalih, kula
nyuwun agunging samodra pangaksami.
Nuwun, matur
nuwun.
Tidak ada komentar:
Posting Komentar