DEMAM BERDARAH
Melva : “Kulanuwun, Bu.”
Bu Yuni : “Mangga… Weh kowe
ta, Nduk. Ana apa kok njanur gunung, kadingaren dolan
mrene?’’
Melva : "Inggih, Bu. Wonten
sekedhik prelu.”
Bu Yuni : “Ana apa, Nduk?”
Melva : “Kula badhe tanglet
babagan penyakit demam berdarah utawi DB.”
Bu Yuni : “Apa ta sing arep
mbok takokne, Nduk?”
Melva : “Menapa ingkang
dipunwastani penyakit DB menika?”
Bu Yuni : “Penyakit demam
berdarah iku kalebu salah sawijining penyakit sing mbebayani.”
Melva : “Lho.. kengeng menapa
kok mbebayani, Bu?”
Bu Yuni : “Amarga penyakit demam berdarah biasane bisa
ndadekake kematian tumrap
wong kang nandang demam
berdarah iku.”
Melva : “Bu, menapa ingkang nyebabaken penyakit DB
menika?”
Bu Yuni : “DB iku disebabake salah sawijining virus,
yaiku virus dengue. Virus Dengue
biasane digawa kewan perantara
utawa vector. Lan biasane sing dadi kewan
perantara utawa vector dening virus dengue yaiku nyamuk. Nyamuke mau
Melva : “Lha ingkang dados pathokan kangge
mbentenaken nyamuk biasan lan nyamuk
aedes aegpty menika kados pundi?”
Bu Yuni : “Nyamuk Aedes Agepty lan nyamuk liyane iku
jan-jane arep padha. Nanging sing
gawe beda yaiku binthik-bintik putih sing ana ing
awake nyamuk nyamuk aedes
agepty.”
Melva : “Oh.. mekaten, Bu. Lajeng pripun
berkembang biakipun nyamuk aedes agepty
menika?”
Bu Yuni : “Nyamuk aedes agepty biasane berkembangbiak
ana ing papan kang iso nampung
banyu resik nanging jarang
dikuras utawa diresiki, tuladhane genthong lan papan layane sing bisa nampun
banyu. Lan perlu kowe ngerti menawa suklus uripe nyamuk aedes agepty saka
endhog nganti dadi nyamuk dewasa iku butuh wektu kurang luwih 7 dina.”
Melva : “Bu, kados pundi bilih badhe mangertosi
menapa tiyang menika kenging DB napa boten?”
Bu Yuni : “Biasa wong kang kena penyakit DB iku awake
panas utawa demam kurang luwih 4 dina lan ora dibarengi tanda-tanda flu liyane,
kayata pilek, watuk,lsp. Ulu ati biasane kerasa nyeri, biasane ning awake uga
katon bintiik-bintik abang pas dina ke-4. Lan menawa uwis parah biasane wong
kasebut bakal mimisan.”
Melva : “Wah, Bu. Kula malah dados ajrih. Sinten
kemawon ingkang asring ketaman
penyakit DB, Bu?”
Bu Yuni : “Biasane sing kerep kena penyakit DB iku
bocah-bocah cilik. Nanging jaman saiki
ora mung bocah cilik, nanging
wong dewasa uga bisa kena penyakit DB.”
Melva : “Kados pundi caranipun penularan penyakit
DB menika?”
Bu Yuni :”Cara penularane yaiku menawa ana salah
sawijine wong kang uwis kena penyakit
DB dicokot nyamuk aedes agepty
banjur nyamuk mau nyokot wong liya sing sehat,
wong mau uga bisa kena DB.
Nanging menawa uwong mau daya tahan awake
apik, virus dengue sing digawa
nyamuk aedes agepty ora bisa nyerang wong kasebut.”
Melva : “Lajeng menawi sampun kenging penyakit DB
menapa ingkang kedah
dipuntindakaken?”
Bu Yuni : “Sing kudu ditindakake kanggo pertolongan
pertama yaiku diwenehi ngombe sing
akeh kanggo ngganti cairan
sing ilang, supaya panase ora tambah duwur bisa uga
dikompres banyu anget utawa
menawa nduwe obat panas bisa diwenehake.
Nanging aka mung mengkono, wong
sasebut kudu enggal-enggal digawa menyang
dokter utawa Rumah sakit.”
Melva : “Kados pundi Bu kangge nyegah penyakit DB
menika?”
Bu Yuni : “Kanggo nyegah DB bisa kanthi cara, sregep
ngresiki lingkungan kayata PSN
(pemberantasan Sarang Nyamuk),
nguras papan-papan sing bisa kanggo nampun
banyu saben 3 dina sepisan.”
Melva : “Menapa namung menika, Bu?”
Bu Yuni :”Ora, Nduk. Ijik enek maneh. Sak liyane kuwi
yaiku mendhem barang-barang bekas kang bisa nampung banyu kayata kaleng bekas,
drum bekas,lsp. Lan menawa ana papan penampungan banyu sing ora bisa dikuras,
kudu diwenehi serbuk, kang diarani
Abate. Lan sak liyane iku kang ora kalah penting yaiku kudu bisa njaga kesehatan
kanthi cara mangan panganan kang bergizi lan olahraga kang cukup. Kanthi
mengkono kita ora gamapang ketaman penyakit.”
Melva : “Matur nuwun, Bu. Sakniki kula mangertos
napa niku Db lan pripun pencegahane.
Maturnuwun, Bu.”
Bu Yuni : “Iyo, Nduk. Padha-padha.”
Melva : “Nggih sampun,Bu. Kula kinten sampun
cekap. Kula badhe mantuk rumiyin, niki
nggih sampun badhe jawah.”
Bu Yuni : “Oh iyo, Nduk. Ati-ati.”
Tidak ada komentar:
Posting Komentar